İSMAYILLI MEŞƏLƏRİ BƏRPA EDİLİR
Nadir ağacları ilə tanınan İsmayıllı meşələrinin mühafizəsi və bərpası ilə əlaqədar son vaxtlar məqsədyönlü tədbirlər həyata keçirilir.
İsmayıllı meşə mühafizəsi və bərpası müəssisəsinin direktoru Asif Həsənov AZƏRTAC-ın müxbirinə bildirmişdir ki, ötən il bölgədə 335 hektar əvəzinə, 349 hektar sahədə meşə bərpası tədbirləri görülmüş, 120 hektar əvəzinə 124 hektarda ting basdırılmışdır. Habelə, 4,8 hektar sahədə yeni tinglik salınmışdır. Hazırda burada 1 milyondan artıq müxtəlif növ əkin materialı vardır.
60-dan çox meşəçinin çalışdığı müəssisədə bu günlər yaz əkininə hazırlıq gedir. Yazda 70 hektarda yeni meşə salınacaq, 200 hektardan çox sahədə isə bərpa işləri görüləcəkdir.
Bölmənin digər xəbərləri
