İSRAİL SƏFİRİ GƏNCƏDƏ OLMUŞDUR
İsrailin Azərbaycandakı səfiri Eytan Naye iyunun 7-də Gəncədə olmuşdur. Qonaq əvvəlcə dahi söz ustası Nizami Gəncəvinin məqbərəsini ziyarət etmiş, xatirə kitabına ürək sözlərini yazmışdır. Sonra şəhər icra hakimiyyətində görüş keçirilmişdir. Görüşdə ölkələrimiz arasında əlaqələrin inkişafından söhbət getmişdir.
Daha sonra diplomat şəhəri gəzmiş, tarix-diyarşünaslıq muzeyində olmuşdur. Sonra o, Azərbaycan Kənd Təsərrüfatı Akademiyasında müəllim və tələbələrlə görüşmüş, burada mühazirə oxumuşdur. Səfir Eytan Naye Gəncədəki Yəhudi xeyriyyə mərkəzinin üzvləri ilə də görüşmüş, kamera orkestrinin konsertində olmuşdur.
Bölmənin digər xəbərləri
