İSRAİL SÜRƏTLƏ SİLAHLANIR

18.11.2003 [01:33]
Çap et
A⁺ A^-

AZƏRTAC-ın İTAR-TASS agentliyindən aldığı xəbərdə deyilir ki, İsrail ABŞ-dan F-16-İ tipli 102 yeni qırıcı-bombardmançı təyyarə alacaq və bu, ona 2008-ci ilədək belə maşınların sayına görə dünyada ikinci yerə çıxmağa imkan verəcəkdir. Bu günlərdə İsrailin müdafiə naziri Şaul Mofaz Vaşinqtona səfərinin rəsmi hissəsini başa çatdıraraq, Texas ştatına gəlmiş və həmin təyyarələrlə tanış olmuşdur.

Bu maşınları istehsal edən “Lokhid-Martin” şirkəti onları İsrailə göndərdikdən sonra yəhudi dövlətinin 362 qırıcı təyyarəsi olacaq və beləliklə, o, həmin göstəricidə yalnız ABŞ-ın özündən geri qalaraq, Böyük Britaniyanı, Almaniya və Fransanı ötüb keçəcəkdir.

İsrail mənbələrinin məlumatına görə, F-16-İ havada əlavə yanacaq doldurulmadan daha uzaq məsafəyə uçmağa və daha çox silah daşımağa, Yaxın Şərqdə istənilən yerə uçmağa qadirdir.

F-16-İ tipli 102 təyyarənin ümumi dəyəri 4,5 milyard dollardır. Bunu İsrail ABŞ-dan hər il aldığı hərbi yardım hesabına ödəyəcəkdir. Xatırladaq ki, 2003-cü ildə bu yardım 2,2 milyard dollar təşkil edəcəkdir.

İSRAİL SÜRƏTLƏ SİLAHLANIR

MÜƏLLİFLƏ ƏLAQƏ

Bölmənin digər xəbərləri