İsraildə ehtiyatda olan hərbçilər səfərbər edilir
Bakı, 10 aprel, AZƏRTAC
İordan çayının qərb sahilində və Təl-Əvivdə baş verən hücumlarda 3 nəfərin ölümündən sonra İsrailin Baş naziri Binyamin Netanyahu ehtiyatda olan hərbçilərin səfərbər edilməsi barədə göstəriş verib.
AZƏRTAC xəbər verir ki, bu barədə “France24” məlumat yayıb.
Bildirilib ki, İsrailin hökumət başçısı polisə sərhəd polisinin bütün ehtiyat hissələrini səfərbər etməyi tapşırıb və İsrail Müdafiə Ordusuna əlavə qüvvələrin səfərbər olunmasını əmr edib.
Qeyd edək ki, 3 gün bundan əvvəl İsrailin Baş Qərargah rəisi də bölgədəki gərginlik fonunda Hava Qüvvələrində hava hücumundan müdafiə və hücum birləşmələrinə diqqət yetirməklə ehtiyatda olan hərbçilərin çağırılması barədə göstəriş vermişdir.
Bölmənin digər xəbərləri
