İSTANBULDA FACİƏLİ TERROR AKTI
AZƏRTAC-ın xüsusi müxbiri xəbər verir ki, iyulun 27-də gecə İstanbulun Güngörən rayonundakı Menderes prospektində zibil qutularına yerləşdirilimiş iki bombanın partlaması nəticəsində 16 nəfər ölmüş, 150-dən çox adam yaralanmışdır. Yaralıların bir neçəsinin vəziyyətinin ağır olduğu və ölənlərin sayının arta biləcəyi xəbər verilir. Partlayış yeri turist bölgəsi olmadığından, ilk məlumatlara görə, zərərçəkənlər arasında əcnəbilər, o cümlədən Azərbaycan vətəndaşları yoxdur.
Hadisə yerinə gələn Baş nazirin müavini, dövlət naziri Həyati Yazıçı və İstanbul valisi Müəmmər Gülər bunun bir terror aktı olduğunu bildirmişlər. Polis küçədəki kameraların çəkdiyi görüntülər əsasında terrorçuları aşkar etməyə çalışır. Ən çox ehtimallar PKK terror təşkilatının üzərində cəmləşir.
Baş nazir Rəcəb Tayyib Ərdoğanın təlimatı ilə daxili işlər və səhiyyə nazirləri Bəşir Atalay və Rəcəb Akdağ gecəyarısı İstanbula gəlmiş, hadisə yerində olmuşlar.
Türkiyə Prezidenti Abdullah Gül də gecəyarısı bəyanat yayaraq, dinc insanları hədəf alan terrorçuları lənətlədiyini bildirmiş, həlak olanların ailələrinə başsağlığı vermişdir.
Bölmənin digər xəbərləri
