İstanbulun Esenyurt rayonunda 25 binadan insanlar təxliyə ediliblər

27.04.2019 [12:10]
Çap et
A⁺ A^-

İstanbul, 27 aprel, AZƏRTAC

Türkiyənin İstanbul şəhərinin Esenyurt rayonunda dünən axşam saatlarında yolda və bir doqquzmərtəbəli binanın divarlarında yaranan çatlar səbəbindən bölgədə 25 binadan insanlar təxliyə ediliblər.

AZƏRTAC xəbər verir ki, bu barədə rayonun bələdiyyə sədri Kemal Deniz Bozkurt məlumat verib. O deyib ki, gecə saatlarından çatların yaranma səbəbinin öyrənilməsi istiqamətində araşdırmalar aparılır və təhlükəsizlik məqsədilə binaların sakinləri təxliyə olunublar.

Son səkkiz saat ərzində hər bir saatdan bir ərazidə ölçmə işləri aparılır və sürüşmə müşahidə edilməyib.

Hazırda ərazidə müşahidələr davam etdirilir.

Günel Məlikova

AZƏRTAC-ın xüsusi müxbiri

İstanbul