İsti hava şəraiti davam edəcək
Bakı, 29 iyul, AZƏRTAC
Bu həftənin sonunadək ölkə ərazisində isti hava şəraitinin davam edəcəyi gözlənilir.
Bu barədə AZƏRTAC-a Milli Hidrometeorologiya Xidmətindən məlumat verilib.
Bildirilib ki, qeyd olunan müddətdə havanın maksimal temperaturunun Bakıda və Abşeron yarımadasında 35-39, avqustun 2-3-də 40 dərəcəyə yaxın, dağlıq rayonlarda 29-34, Mərkəzi Aran, eyni zamanda, Naxçıvan Muxtar Respublikasında isə 35-40, bəzi yerlərdə 41 dərəcəyədək isti olacağı proqnozlaşdırılır.
Abşeron yarımadasında, o cümlədən sahilyanı ərazilərdə cənub-şərq küləyinin üstünlüyü gözlənilir. Bu da havada nisbi rütubətin yüksəlməsinə və durğun hava şəraitinin müşahidə edilməsinə səbəb olacaq.
Bölmənin digər xəbərləri
