“İVAN” 40 AMERİKALINI ÖLDÜRMÜŞDÜR
Qasırğanın nisbətən səngidiyi Alabama və Florida ştatlarında onun dəhşətli nəticələrini aradan qaldırmaq üçün geniş miqyasda işlər görülür. Burada təbii fəlakətin zərbələri nəticəsində milyondan çox adam işıqsız, susuz və qazsız qalmışdır, dağılmış körpü və yolların sayı-hesabı yoxdur. Xilasedicilər bəzi yerlərə ancaq vertolyotlarla gedirlər.
Hakimiyyət orqanlarının fikrincə, “İvan”dan zərər çəkmiş rayonlarda su, qaz və elektrik təchizatını, digər həyati əhəmiyyətli obyektləri bərpa etməyə həftələrlə vaxt gedəcəkdir.
Xatırladaq ki, Karib hövzəsi dövlətlərində qasırğanın qurbanlarının sayı 70 nəfərə çatmışdır.
”İvan” qasırğasına ən yüksək, beşinci dərəcə verilmişdir. Mütəxəssislər deyirlər ki, o, tarixdə ən güclü qasırğalardan biridir – onun mərkəzində küləyin sürəti saatda 200 kilometrdən artıq olur. “İvan” özü ilə leysan yağışları da gətirir. O, ABŞ-da neft hasilatının və emalının azalmasına da gətirib çıxarmışdır ki, bu da, öz növbəsində, “qara qızıl”ın yenidən bahalaşmasına səbəb olmuşdur.
Bölmənin digər xəbərləri
