İYNƏBATIRMA ÇOX DƏRDƏ ƏLACDIR
AZƏRTAC-ın xarici informasiya agentliklərindən aldığı xəbərə görə, ənənəvi Vyetnam təbabəti sahəsində mütəxəssislər hesab edirlər ki, iynəbatırma bir çox müasir xəstəliklərin müalicəsi üçün ən yaxşı vasitədir. Vyetnam Akkupunktura Assosiasiyasının prezidenti professor Nquyen Tay Thunun sözlərinə görə, hazırda Vyetnamda müxtəlif tibb müəssisələrinə müraciət edənlərin 40 faizi iynəbatırma metodu ilə müalicəyə üstünlük verir. Akkupunktura onların 80 faizinin sağlamlığını tam bərpa edir. Son vaxtlar burada narkotiklərə aludəlikdən əziyyət çəkənlərin müalicəsi üçün də akkupunktura üsulundan istifadə olunur. İlk müraciət edən 2,2 min nəfərin 92 faizi narkotik maddələrin “əsarət”indən can qurtararaq, normal həyata qayıtmışdır.
Bölmənin digər xəbərləri
