İZMİRDƏ YANĞIN
AZƏRTAC-ın xüsusi müxbirinin verdiyi xəbərə görə, İzmir şəhərinin Balçova rayonundakı Sakarya prospektində yerləşən kafenin birində yanğın baş vermişdir. Şəhərin bir çox rayonundan hadisə yerinə gələn yanğınsöndürmə dəstələri alovun qarşısını almışlar. Hadisə zamanı 2 nəfər həlak olmuş, 5 vətəndaş yaralanmışdır. Xəsarət alanlar “9 sentyabr” universitetinin xəstəxanasına aparılmışdır. Onların üçünün vəziyyəti ağırdır. Müvafiq araşdırma aparan ekspertlərin ilk məlumatına görə, yanğına borulardan sızan qaz səbəb olmuşdur.
Bölmənin digər xəbərləri
