KƏNDƏ TƏBİİ QAZ VERİLMİŞDİR
AZƏRTAC-ın müxbiri xəbər verir ki, Kürdəmir rayonunun ən iri yaşayış məntəqələrindən olan Sığırlı kəndinə 14 illik fasilədən sonra yenidən təbii qaz verilmişdir. Bu münasibətlə keçirilən mərasimdə rayon icra hakimiyyətinin başçısı Fəxrəddin Məlikov regionların sosial-iqtisadi inkişafına göstərilən dövlət qayğısından, ölkəmizin Prezidentinin uğurlu daxili və xarici siyasətinin Azərbaycan xalqına verdiyi böyük töhfələrdən danışmışdır.
Kənd ağsaqqalları, ziyalılar, yerli iş adamları əhaliyə göstərilən diqqət və qayğıya görə dövlətimizin başçısına minnətdarlıqlarını bildirmişlər.
Sığırlıda hazırda 6 mindən çox əhali yaşayır. Yeni kəmər 22 kilometr məsafədən çəkilmişdir və uzun illər kəndi təbii qazla fasiləsiz təmin edəcəkdir.
