KİTAB ƏN YAXŞI HƏDİYYƏDİR
AZƏRTAC-ın xüsusi müxbiri Moldovanın “İnfo-Prim Neo” portalına istinadla xəbər verir ki, Moldovada yetim uşaqlar üçün kitab toplanması kampaniyası keçirilir. Beynəlxalq və milli ictimai təşkilatlar, Kişinyovda akkreditə olunmuş diplomatik nümayəndəliklər, fiziki şəxslər internat məktəblərin uşaqlarına kitablar hədiyyə etməklə onların həyatlarını daha xoşbəxt edə bilərlər. “Yetim uşağa kitab bağışla” aksiyası Moldova Uşaq Hüquqları Mərkəzi tərəfindən təşkil edilmişdir.
Mərkəz internat məktəblərindəki azyaşlı uşaqlar və yeniyetmələr üçün nağıl kitabları, “özün rənglə” albomları, bədii ədəbiyyat, dərsliklər yığılır.
Kampaniya mayın 31-dək davam edəcək, yığılmış kitablar Uşaqları Beynəlxalq Müdafiə günü paylanacaqdır.
Bölmənin digər xəbərləri
