Klaudio Ranyeri “Roma”dan ayrılacaq
Bakı, 24 aprel, AZƏRTAC
İtaliyanın “Roma” komandasının idarə heyətinin müşaviri Klaudio Ranyeri yaxın vaxtlarda vəzifəsindən ayrılacaq.
AZƏRTAC xəbər verir ki, bu barədə insayder Fabrizio Romano sosial şəbəkə hesabında məlumat yayıb.
Onun sözlərinə görə, qərarın əsas səbəbi paytaxt təmsilçisinin baş məşqçisi Can Pyero Qasperini ilə münasibətlərdə yaranan gərginlikdir. Tərəflər transfer siyasəti ilə bağlı ortaq məxrəcə gələ bilməyiblər. Baş məşqçi heyətin gücləndirilməsindən narazı qaldığı halda, K.Ranyeri transferlərin birgə razılaşdırıldığını bildirib. Mövsümün sonlarına doğru qeyri-sabit nəticələr bu fikir ayrılığını daha da dərinləşdirib.
Qeyd edək ki, “Roma” A Seriyasında 33 turdan sonra 58 xalla 6-cı pillədə qərarlaşıb. Can Pyero Qasperini komandaya 2025-ci ilin yayından rəhbərlik edir. Klaudio Ranyeri isə 2024-cü ilin noyabrından 2025-ci ilin iyun ayınadək “Roma”ya rəhbərlik edib. O, daha əvvəl 2009–2011 və 2019-cu illərdə də qısa müddət ərzində paytaxt klubunun sükanı arxasında olub.
Bölmənin digər xəbərləri
