KOMPÜTER OĞRULARI YAXALANMIŞDIR
Binəqədi Rayon Polis İdarəsi 5-ci bölməsinin əməkdaşları Zəngilan rayonundan məcburi köçkün Elşad Əliyevə məxsus kompüter salonundan 4 ədəd televizoru və bir o qədər kompüteri oğurladıqlarına görə Bakıxanov qəsəbəsinin sakinləri, əvvəllər məhkum olunmuş 1974-cü il təvəllüdlü Nurlan Vəlixanovu və 1971-ci il təvəllüdlü Habil Abdullayevi yaxalamışlar.
Bakı Şəhər Baş Polis İdarəsindən AZƏRTAC-ın müxbirinə bildirmişlər ki,
aparılan əməliyyat-axtarış tədbirləri nəticəsində axtarışda olan 6 cinayətkar ötən gün tutulmuşdur.
X X X
DƏM QAZINDAN BOĞULMUŞLAR
Dekabrın 9-da səhər saat 6.30 radələrində Yasamal rayonunun 2-ci Alatava yaşayış sahəsindəki 9a nömrəli evin sakinləri 1981-ci il təvəllüdlü Günel İmanova və 1986-cı il təvəllüdlü Pərvanə Məmmədova qazın açıq qalması səbəbindən zəhərlənmişlər.
BŞBPİ-dən AZƏRTAC-a bildirmişlər ki, həmin gün Nərimanov rayonun ərazisində saat 11.50 radələrində İran vətəndaşları Heydər Faxırdozani və Cahangir Hemati yaşadıqları mənzildə (C.Hacibəyli, 32a) dəm qazından boğulmuşlar. Zərərçəkənlər xəstəxanaya çatdırılsa da, 1977-ci il təvəllüdlü Heydər Faxırdozaninin həyatını xilas etmək mümkün olmamışdır.
Bölmənin digər xəbərləri
