Kreml Kiyevə tələb irəli sürüb
Moskva, 1 aprel, AZƏRTAC
Kremldən bildirilib ki, Ukrayna ilə bağlı danışıqlarda yaranan fasilə ABŞ nümayəndələrinin digər beynəlxalq məsələlərlə, o cümlədən Yaxın Şərqdəki vəziyyətlə məşğul olması ilə əlaqədardır.
AZƏRTAC xəbər verir ki, bunu jurnalistlərə Rusiya Prezidentinin mətbuat katibi Dmitri Peskov deyib. O bildirib ki, mövcud şəraitdə ABŞ üçtərəfli danışıqlarda fəal iştirak edə bilmir.
Eyni zamanda, Kreml bildirib ki, münaqişənin aktiv mərhələsinin dayandırılması üçün əsas şərt Kiyevin Ukrayna qoşunlarını Donetsk vilayətinin sərhədlərindən kənara çıxarmaq barədə qərar qəbul etməsidir.
Məlumata əsasən, Rusiya tərəfinin fikrincə, müvafiq qərar dərhal qəbul olunmalıdır: “Moskva hesab edir ki, bu, insanların həyatının qorunmasına və döyüşlərin dayandırılmasına kömək edə bilər”.
Bölmənin digər xəbərləri
