Kür çayında su sərfi artıb
Bakı, 24 fevral, AZƏRTAC
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının çirklənmə vəziyyətini öyrənmək məqsədilə fevral ayının ikinci ongünlüyü üçün monitorinq keçirib.
Nazirliyin mətbuat xidmətindən AZƏRTAC-a bildirilib ki, Kür çayında su sərfi fevral ayının birinci ongünlüyünə nisbətən saniyədə 20 kubmetr artıb. Monitorinqin nəticələrinə əsasən, Gürcüstan və Ermənistan ərazilərindən təmizlənmədən axıdılan məişət tullantıları və sənaye müəssisələrinin çirkab sularının təsiri nəticəsində Kür çayı və onun qollarında biogen maddələrin miqdarı normadan dəfələrlə artıq olub. Suyun tərkibindəki spesifik çirkləndiricilərdən fenollar Şıxlı-2 məntəqəsində 3,5 dəfə, Ağstafaçayda 3,4 dəfə, Ağstafaçay su anbarında isə 3,2 dəfə yol verilən qatılıq həddini keçib.
Fenolların Araz çayı üzrə Horadizdə 3,6 dəfə, Birinci Şahsevəndə 3,2 dəfə, Bəhramtəpədə isə 3 dəfə yol verilən qatılıq həddini keçdiyi müəyyən edilib. Suyun oksigen rejimi isə bütün məntəqələrdə sanitar norma daxilində dəyişib.
MÜƏLLİFLƏ ƏLAQƏ
Bölmənin digər xəbərləri
- 17.11.2026 [18:42]
COP31 çərçivəsində “Antalya Okeanlar və Dənizlər Razılaşması” əldə olunub
- 17.11.2026 [12:14]
Sabahın hava proqnozu açıqlanıb VİDEO
- 17.11.2026 [10:49]
Okeanlar karbon emissiyalarının daha böyük hissəsini udur - yeni tədqiqat
- 16.11.2026 [18:24]
COP31-də Xəzər dənizinin problemləri müzakirə olunub
- 16.11.2026 [16:27]