Lənkəranda avtomobil məktəblini vurub
Lənkəran, 10 dekabr, İlkin Adıyev, AZƏRTAC
Lənkəranda nəqliyyat vasitəsi 13 yaşlı məktəblini vurub.
AZƏRTAC-ın bölgə müxbiri xəbər verir ki, hadisə Lənkəran rayonunun Liman şəhəri ərazisində qeydə alınıb. Şəhərdaxili yolda hərəkətdə olan nəqliyyat vasitəsi piyada, 2012-ci il təvəllüdlü A.Kərimzadəni vurub.
Hadisə nəticəsində müxtəlif dərəcəli bədən xəsarətləri alan 13 yaşlı məktəbli dərhal Lənkəran Rayon Mərkəzi Xəstəxanasının Təcili yardım şöbəsinə çatdırılıb. Həkimlər tərəfindən ona ilkin tibbi yardım göstərilib və müvafiq şöbəyə yerləşdirilərək müalicəsinə başlanılıb.
Faktla bağlı araşdırma aparılır.
Bölmənin digər xəbərləri
