LİTVİNENKO “ƏL-QAİDƏ” İLƏ ƏLAQƏDƏ İDİ?
Qəzet iddia edir ki, Skotland-Yardda Litvinenkonun “çirkli” nüvə bombasına malik olmağa çalışan terrorçularla əlaqəyə girməsinin mümkünlüyü məsələsini nəzərdən keçirirlər.
Qəzet həmçinin yazır ki, Litvinenko ölümünə bir xeyli qalmış islamı qəbul etmiş və bu, hətta onun doğmaları üçün də gözlənilməz olmuşdur.
Sabiq FTX əməkdaşının atası Valter Litvinenko Moskvanın “Kommersant” qəzetinə demişdir ki, oğlu islamı qəbul etməyi qərara almışdır. O demişdir: “Aleksandr bu barədə düşünürdü. Mən xəstəxanaya onun yanına gəlib dedim: “Oğlum, sənin üçün Sergey Radonejskiyə şam yandıracağam, ruhuna dua edəcəyəm”. O isə cavab verdi: “Atacan, mən müsəlman adətincə dəfn olunmaq istəyirəm”. “Nə deyirəm, oğlum, necə arzu edirsənsə, elə də olacaq. Ailəmizdə daha bir müsəlman var – qızım qabardinə ərə gedib. Başlıcası, Tanrıya inanmaqdır – Allah birdir. Əsas odur ki, gərək şeytan qanunları ilə yaşamayasan”.
Xatırladaq ki, 2000-ci ildə Böyük Britaniyaya qaçan və bu ilin oktyabrında Britaniya pasportu alan Aleksandr Litvinenko noyabrın 23-də keçinmişdir. Müayinə zamanı məlum olmuşdur ki, onun orqanizmində böyük miqdarda polonium-210 radioaktiv maddəsi var.
Bölmənin digər xəbərləri
