LONDONDA KÜTLƏVİ NÜMAYİŞ
Təşkilatçılar nümayişçiləri özləri ilə uşaq ayaqqabıları gətirməyə çağırmışlar. Onlar demişlər: “Bu ayaqqabıları səssiz məzəmmət kimi baş nazirin iqamətgahının astanasına qoyun”. Ayaqqabılar qalaq-qalaq yığıldıqca, vəziyyət daha da gərginləşmişdir. Bundan sonra həbslər başlanmışdır.
Boş su butulkaları, uşaq oyuncaqları Dauninq-stritə tərəf yağdırılmışdır. Ehtirasların daha da coşub, vəziyyətin nəzarətdən çıxa biləcəyini görən polislər Bleyerin iqamətgahı ətrafında təhlükəsizlik zonasını genişləndirməyə başlamışlar.
Nümayişçiləri hiddətləndirən budur ki, Britaniya hökuməti atəşin dərhal və qeyd-şərtsiz kəsilməsinə çağırmır, Toni Bleyer öz məzuniyyətini son anadək təxirə salmamış və Livan-İsrail münaqişəsini pisləyən bəyanat qəbul edilməsi üçün parlamenti tətildən geri çağırmır.
Nümayişçilər oradan gedərək, parlamentin qarşısındakı meydana toplaşmışlar. Onlar Bleyerə ünvanlamaq üçün petisiyaya imza toplamışlar. Müraciətdə deyilir: “Əziz Baş nazir! Sizin fəaliyyətsizliyiniz ya tam biganəliyinizdən, ya da ABŞ-ın xarici siyasət xəttinə tam tabe olmağınızdan xəbər verir. Vəziyyət belə davam edə bilməz”.
Bölmənin digər xəbərləri
