LONDONDA KÜTLƏVİ NÜMAYİŞ
Təşkilatçılar nümayişçiləri özləri ilə uşaq ayaqqabıları gətirməyə çağırmışlar. Onlar demişlər: “Bu ayaqqabıları səssiz məzəmmət kimi baş nazirin iqamətgahının astanasına qoyun”. Ayaqqabılar qalaq-qalaq yığıldıqca, vəziyyət daha da gərginləşmişdir. Bundan sonra həbslər başlanmışdır.
Ehtirasların daha da coşub, vəziyyətin nəzarətdən çıxa biləcəyini görən polislər Bleyerin iqamətgahı ətrafında təhlükəsizlik zonasını genişləndirməyə başlamışlar.
Nümayişçiləri hiddətləndirən budur ki, Britaniya hökuməti atəşin dərhal və qeyd-şərtsiz kəsilməsinə münasibət bildirməmiş, Toni Bleyer öz məzuniyyətini son anadək təxirə salmamış və İsrail-Livan münaqişəsini pisləyən bəyanat qəbul edilməsi üçün parlamenti tətildən geri çağırmamışdır.
Nümayişçilər oradan gedərək, parlamentin qarşısındakı meydana toplaşmışlar. Onlar Bleyerə ünvanlamaq üçün müraciətə imza toplamışlar. Müraciətdə deyilir: “Əziz Baş nazir! Sizin fəaliyyətsizliyiniz ya tam biganəliyinizdən, ya da ABŞ-ın xarici siyasət xəttinə tam tabe olmağınızdan xəbər verir. Vəziyyət belə davam edə bilməz”.
Bölmənin digər xəbərləri
