Lvovda qripdən daha bir nəfər ölüb
Kiyev, 2 mart, AZƏRTAC
Ukraynanın Lvov şəhərində 30 yaşlı kişi qrip və kəskin respirator virus infeksiyasından ölüb. Bu barədə AZƏRTAC-a Ukrayna Səhiyyə Nazirliyinin mətbuat xidmətindən məlumat verilib.
Məlumata görə, A (H1N1) virusuna yoluxan Lvov şəhər sakini fevralın 23-dən xəstəxanaya yerləşdirilib. Məlumata görə, xəstə ağır halda xəstəxanaya müraciət edib. Həkimlərin səylərinə baxmayaraq xəstələrin həyatını xilas etmək mümkün olmayıb. Onların qripə qarşı vaksin olunmadığı müəyyənləşib.
Yeni epidemioloji mövsümdə Lvovda 4 nəfər qripdən ölüb.
Bununla ilin əvvəlindən Ukraynada qripdən ölənlərin ümumi sayı 19 nəfərə çatıb. Qripə yoluxanların 70 faizindən çoxu uşaqdır.
Emil Hüseynli
AZƏRTAC-ın xüsusi müxbiri
Lvov
Bölmənin digər xəbərləri
