Azərbaycan Dövlət İnformasiya Agentliyi

DÜNYA

MADONNA KOSMOSA UÇACAQDIR

19.09.2006 [11:29]
Çap et
A⁺ A^-

ABŞ müğənnisi Madonnanın agentləri onun artıq 2009-cu ildə beynəlxalq kosmik stansiyaya uçması ilə bağlı bu layihənin təfsilatını müzakirə etməkdən ötrü Rusiya Federal Kosmik Agentliyinə (RFKA) müraciət edə bilərlər. AZƏRTAC xəbər verir ki, bunu “Novosti” agentliyinə RFKA-nın mətbuat katibi İqor Panarin bildirmişdir.

O demişdir: “2008-ci ilədək kosmik turistlərin stansiyaya uçuş cədvəli dəqiq tərtib edilsə də, Madonna üçün heç bir maneə yoxdur. Onun nümayəndələri artıq indi agentliyə müraciət edə bilərlər. Luiza Çikkonenin (Madonna) yaxşı fiziki formada olması və maliyyə imkanları nəzərə alınarsa, o, kosmosa artıq 2009-cu ildə uça bilər”.

Mətbuat katibinin sözlərinə görə, Madonna sentyabrın 18-də kosmosa səfər edən İran mənşəli amerikalı Ənyuşə Ənşaridən sonra ikinci kosmik turist ola bilər.