Bakı, 3 may (AZƏRTAC). “Bakcell” şirkəti Azərbaycana dəvət etdiyi İngiltərənin “Mançester Yunayted” klubunun hücumçusu Duayt Yorkun fanatları ilə görüşünü təşkil etmişdir.

AZƏRTAC xəbər verir ki, görüşdə D.York ötən gün veteran futbolçular arasında keçirilən yoldaşlıq görüşü, “Mançester Yuyayted”dəki oyunu, komandanın indiki heyəti, İngiltərə premier-liqasının hazırkı vəziyyəti və s. haqqında fikirlərini bölüşmüşdür. O, hazırda “SkySport” kanalında idman şərhçisi kimi fəaliyyət göstərdiyini, eyni zamanda peşəkar futbol məşqçisi olmağa hazırlaşdığını bildirmişdir.