MƏCBURİ KÖÇKÜNLƏRİN PROBLEMLƏRİ ÖYRƏNİLİR
AZƏRTAC-ın müxbiri xəbər verir ki, “Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı”nın təsdiq edilməsi haqqında ölkəmizin Prezidentinin Sərəncamı ilə əlaqədar Ağdam rayon icra hakimiyyətinin əməkdaşları, xidmət sahəsinin, hüquq mühafizə orqanlarının rəhbərləri müxtəlif rayonlarda müvəqqəti məskunlaşmış ağdamlı qaçqın və məcburi köçkünlərlə görüşür, problem və çatışmazlıqları öyrənir, onların aradan qaldırılması üçün lazımi tədbirlər görürlər. İcra hakimiyyətinin həyata keçirdiyi bu tədbirlər qaçqın və məcburi köçkünlər tərəfindən böyük razılıqla qarşılanır.
