MƏCBURİ KÖÇKÜNLƏRLƏ GÖRÜŞ
Elindən-obasından qaçqın düşmüş köçkünlərə möhtərəm prezidentimiz Heydər Əliyevin tapşırığı ilə mütəmadi olaraq qayğı göstərilir.
Azərbaycan Respublikası Ali Məhkəməsinin və Apellyasiya Məhkəməsinin bir qrup əməkdaşı Qəbələ rayonunda olmuş, Şuşa, Ağdam, Laçın, Xocalı, Kəlbəcər və Cəbrayıl rayonlarından olan köçkünlərlə görüşüb söhbət etmişdir.
Məhkəmə işçiləri qacqınları və köçkünləri qarşıdan gələn Novruz bayramı münasibətilə səmimi təbrik etmiş, onlara xoş günlər arzulamışlar.
Görüşdə dövlətimizin başçısı Heydər Əliyevin Dağlıq Qarabağ münaqişəsinin aradan qaldırılması istiqamətində dünya miqyasında gördüyü səmərəli işlər barədə ətraflı söhbətlər aparılmışdır.
Görüşün axırında Ali Məhkəmənin və Apellyasiya Məhkəməsinin əməkdaşları özləri ilə apardıqları 10,4 ton ərzaq məhsullarını bayram sovqatı kimi 500-ə yaxın qaçqın ailəsinə təqdim etmişlər.
Bayramqabağı görüşdən razı qalan köçkünlər onlara göstərilən qayğı və diqqət üçün Azərbaycan Respublikasının prezidentinə öz minnətdarlıqlarını bildirmişlər.
Azərbaycan Respublikası
Ali Məhkəməsinin
mətbuat xidməti
Bölmənin digər xəbərləri
