MƏKKƏDƏ TERRORÇULAR YUVASI DAĞIDILMIŞDIR
AZƏRTAC-ın Ər-Riyaddan aldığı xəbərə görə, Səudiyyə Ərəbistanının təhlükəsizlik qüvvələri Məkkə şəhərində terrorçuların yuvasını dağıtmışlar. Daxili İşlər Nazirliyi bildirmişdir ki, Məkkənin Şərai rayonunda ekstremist qruplaşma üzvlərinin gizləndiyi iki ev mühasirəyə alınmışdır. Atışma nəticəsində iki terrorçu öldürülmüş, qalanları isə zərərsizləşdirilmişlər.
Evlərdə çoxlu miqdarda silah və döyüş sursatı, pasportlar, avtomobil nömrə nişanları, təxribat xarakterli ədəbiyyat aşkar edilmişdir.
Nazirlikdən, həmçinin, bildirmişlər ki, əməliyyat zamanı şəhərin sakinləri və polislər arasında zərərçəkən olmamışdır.
Bölmənin digər xəbərləri
