Bakı, 18 oktyabr, AZƏRTAC

Azərbaycanda Elm və Təhsil Nazirliyi sistemi üzrə 178 məktəbdənkənar təhsil müəssisəsi fəaliyyət göstərir. Bunun 92-si uşaq idman-şahmat məktəbləri, 86-sı isə uşaq-gənclər inkişaf mərkəzləridir.

AZƏRTAC xəbər verir ki, bu məlumat Dövlət Statistika Komitəsinin yeni çapdan çıxmış “Azərbaycanda təhsil, elm və mədəniyyət-2023” adlı məcmuəsində əks olunub.

Məcmuədə bildirilir ki, 2023-cü ilin əvvəlinə olan məlumata görə, məktəbdənkənar təhsil müəssisələrində 928 pedaqoji işçi çalışır. Onların 87,5 faizi ali, 9,8 faizi orta ixtisas, 2,7 faizi tam orta təhsillidir.