MEŞƏLƏR BƏRPA OLUNUR
Tovuz meşəçiləri bu il 1 milyonadək ting yetişdirmişlər. Yazda 32 hektar sahədə meşə salınmışdır. Hazırda 68 hektar sahədə salınacaq meşə üçün münasib yer seçilmiş, layihə tutulmuş, torpaq hazırlıq işləri aparılmış və əkinə başlanmışdır.
Meşə mühafizəsi idarəsindən AZƏRTAC-ın müxbirinə bildirmişlər ki, yaz və payız mövsümlərində rayonda 2,20 hektar ərik, 0,40 hektar badam, 0,10 hektar alma, 1,10 hektar armud və 0,10 hektar ağcaqayın toxumları səpilmişdir. Planlaşdırılan xeyli çox - 3 min 944 kiloqram toxum tədarük edilmişdir. Toxun tədarükü və meşələrdə bərpa işləri davam edir.
Bölmənin digər xəbərləri
