Məşhur aktyor Albert Finni vəfat edib
Bakı, 8 fevral, AZƏRTAC
Məşhur ingilis aktyoru Albert Finni 82 yaşında vəfat edib.
AZƏRTAC BBC-ə istinadla xəbər verir ki, A.Finni beş dəfə Oskar mükafatına namizəd olub. O, Kral Dramatik İncəsənət Akademiyasında teatr aktyoru kimi fəaliyyətə başlayıb. Aktyor sonralar özünü filmlərdə sınayıb. “Şənbə gecəsi və bazar günü”, “Tom Cons”, “İki yol”, “Böyük balıq”, “Bornun ultimatumu” və digər filmlərdə yaddaqalan obrazlar yaradıb. Qızıl Qlobus, Emmi və s. mükafatlar laureatı olan Finni, dörd dəfə ən yaxşı aktyor adına layiq görülüb.
Bölmənin digər xəbərləri
