MƏTİN KAPLAN YOXA ÇIXMIŞDIR

27.05.2004 [23:27]
Çap et
A⁺ A^-

AZƏRTAC-ın xəbər verdiyi kimi, Almaniyanın Münster şəhərinin məhkəməsi radikal islam qruplaşmalarından birinin lideri Mətin Kaplanın Türkiyə hakimiyyət orqanlarının xahişi ilə bu ölkəyə təhvil verilməsi haqqında qərar çıxarmışdır. Lakin Röyter agentliyinin yaydığı məlumata görə, məhkəmənin elə ertəsi günü o, yoxa çıxmışdır. Mayın 27-də səhər polis Kaplanı aparmağa gəldikdə, evdə heç kimi tapmamışdır.

Xatırladaq ki, “Xilafət dövləti” qurmağa can atan qruplaşmanın lideri təyyarədən istifadə etməklə terror aktı hazırladığına görə Türkiyə tərəfindən 1998-ci ildə beynəlxalq axtarışda elan edilmişdir. Bu terror aktı zamanı Türkiyə Respublikasının banisi Mustafa Kamal Atatürkün məqbərəsini – Anıtqəbiri dağıtmaq planlaşdırılmışdı.

Bir gün əvvəl Münster məhkəməsi Kaplanın Türkiyəyə verilməsinə heç bir əngəl törədilmədiyini və vətəndə onun hüquqlarının pozulacağına heç bir təhlükə olmadığını bildirmişdi.

MƏTİN KAPLAN YOXA ÇIXMIŞDIR

MÜƏLLİFLƏ ƏLAQƏ

Bölmənin digər xəbərləri