“MİCROSOFT” 5000 ƏMƏKDAŞI İŞDƏN AZAD EDİR
Bakı, 23 yanvar (AZƏRTAC). Xarici KİV-lərin məlumatına görə, “Microsoft” şirkəti ötən rübün yekunlarına dair maliyyə hesabatını təqdim edərək əməkdaşlarının işdən azad olunmaları barədə məlumatı rəsmi sürətdə təsdiqləmişdir. Maliyyə hesabatında şirkətin mənfəətinin xeyli azalması müşahidə olunur.
“Microsoft” 5 000 əməkdaşı işdən azad edəcəkdir. Bu isə şirkətin dünya üzrə personalının 5 faizi deməkdir. Bu, şirkətin 30 illik tarixində ilk irimiqyaslı ixtisardır.
Şirkətin personalını azaltmaqla “Microsoft” təxminən 1,5 milyard dollara qənaət etmək niyyətindədir, bu isə mənfəətlərin və proqram təminatının satış həcminin azalması şəraitində olduqca vacib məsələdir.
“Microsoft”un təqribən 1400 əməkdaşı artıq bu günlərdə işdən azad olunacaqdır. İxtisara düşən digər iş yerlərinin isə 1,5 il ərzində seçiləcəyi nəzərdə tutulmuşdur. Bundan əlavə “Microsoft” nəqliyyat xərclərini 20 faiz azaldır, əmək haqlarının artırılması proqramını dondurur.
Bölmənin digər xəbərləri
