“MİCROSOFT” VƏ “NOKİA” ALYANS YARATMIŞLAR
Bakı, 14 avqust (AZƏRTAC). “Microsoft” və “Nokia” şirkətləri ofis əlavələrinin və istifadəçi işinin səmərəliliyini artıran digər məhsulların işlənib hazırlanması və inkişafı üzrə alyans yaratmışlar.
Yeni saziş çərçivəsində “Microsoft”-un Office proqramının mobil versiyası “Nokia” smartfonlarında qurulacaqdır.
Office əlavələrindən başqa Symbian əməliyyat sistemli “Nokia” telefonları həmçinin bir neçə biznes-əlavələr, eləcə də birgə iş və müxtəlif qurğuların idarə olunması üzrə məhsullarla təmin olunacaqdır. “Microsoft” məhsulları ilə təchiz olunan ilk “Nokia” telefonları E-seriyasının smartfonları olacaqdır.
Bununla “Nokia” istifadəçiləri mobil “Microsoft Office” sənədləri yaratmaq, onları redaktə etmək və göndərmək imkanı əldə edəcəklər. Bu, Word, Excel, PowerPoint və OneNote əlavələrinə aid edilir.
Qeyd edək ki, indiyədək “Microsoft Office” sənədləri ilə işləmək üçün nəzərdə tutulan əlavələr kənar şirkətlər tərəfindən işlənib hazırlanırdı, Office-nin mobil versiyası isə yalnız “Windows Mobile” əməliyyat sisteminə əlavə olunurdu.
Bölmənin digər xəbərləri
