MİLLİ MƏCLİSDƏ GÖRÜŞ
AZƏRTAC xəbər verir ki, Böyük Britaniyanın Kinqs kollecinin Qafqaz Siyasəti İnstitutunun direktoru, səfir Denis Korbey fevralın 8-də Milli Məclisin beynəlxalq münasibətlər və parlamentlərarası əlaqələr daimi komissiyasının sədri Səməd Seyidovla görüşmüşdür.
Səfir Denis Korbey demişdir ki, bölgəyə səfərindən məqsəd bu gün dünyanın ən çox maraq göstərdiyi Cənubi Qafqazda iqtisadi və siyasi təhlükəsizlik sahəsində baş verən dəyişikliklər, Azərbaycanın regionda rolu, hadisələrə təsiri və artan nüfuzu barədə ətraflı məlumat toplamaqdır.
Səməd Seyidov parlamentin fəaliyyəti, qəbul edilmiş qanunlar, Cənubu Qafqazda baş verən proseslər, Azərbaycanın Qərbə inteqrasiyası, Avropa dəyərlərinə yiyələnməsi, demokratiyanın inkişafı, insan hüquqlarının müdafiəsi sahəsində atdığı addımlar, beynəlxalq təşkilatlarla uğurlu əməkdaşlığı, eləcə də ölkəmizin antiterror əməliyyatlarında fəal iştirakı barədə qonağa ətraflı məlumat vermiş, onu maraqlandıran sualları cavablandırmışdır.
Bölmənin digər xəbərləri
