Milli Qurtuluş Günü Lənkəranda qeyd olunub
Lənkəran, 15 iyun, Bağır Əliyev, AZƏRTAC
Ölkəmizin bütün bölgələrində olduğu kimi, Lənkəranda da Milli Qurtuluş Günü böyük təntənə ilə qeyd edilir.
AZƏRTAC-ın bölgə müxbiri xəbər verir ki, iyunun 15-də Lənkəran Şəhər İcra Hakimiyyətinin rəhbərliyi, rayonun hüquq-mühafizə orqanlarının əməkdaşları, “Regional İnkişaf” İctimai Birliyinin üzvləri, ictimaiyyətin nümayəndələri ümummilli lider Heydər Əliyevin abidəsi önünə gül dəstələri düzərək xatirəsini ehtiramla anıblar.
Rayonda Milli Qurtuluş Günü ilə əlaqədar tədbirlər davam etdirilir.