Misir funtunun dəyəri tarixi minimuma enib
Bakı, 11 yanvar, AZƏRTAC
Misir funtu ABŞ dolları qarşısında 84 faizdən çox dəyər itirərək ölkə tarixində ən aşağı səviyyəyə enib.
AZƏRTAC xəbər verir ki, “Refinitiv” servisinin məlumatına görə, yanvarın 11-də ofşor bazarda bir dollar 30 Misir funtu dəyərində olub. Mərkəzi Bank rəsmi məzənnəni 1 dollar üçün 27,59 funt, satış məzənnəsini isə 27,67 funt müəyyən edib. Ölkənin dövlət bankları - National Bank of Egypt və Banque Misr isə dolların alış məzənnəsini 29 funta qaldırıb.
Milli valyutanın ucuzlaşması 2022-ci ilin martında Mərkəzi Bankın daha çevik valyuta rejiminə keçmək barədə qərarından sonra başlayıb. Oktyabrın sonunda Misir funtu dollara nisbətdə 15 faiz ucuzlaşaraq tarixi minimuma enib. Halbuki mart ayında dolların məzənnəsi 15,6 funt idi.
Bölmənin digər xəbərləri
