MİSİRİN MİLLİ BAYRAMI ŞƏRƏFİNƏ
Misir Ərəb Respublikasının milli bayramı - İnqilab günü münasibətilə bu ölkənin Bakıdakı səfirliyi iyulun 23-də “Avropa” otelində rəsmi qəbul təşkil etmişdir.
Mərasimdə Azərbaycan Prezidenti Heydər Əliyev iştirak etmişdir.
Əvvəlcə Azərbaycanin və Misirin dövlət himnləri səsləndi.
Misirin Respublikamızdakı səfiri xanım Cihan Əmin Məhəmməd Əli mərasimdə çıxış etdi.
Sonra Azərbaycan Prezidenti Heydər Əliyev mərasimdə geniş nitq söylədi.
Mərasim başa çatdıqdan sonra Azərbaycan Prezidenti Heydər Əliyev bayram tədbirində iştirak edən xarici ölkələrin Bakıdakı səfirləri, respublika ictimaiyyətinin nümayəndələri ilə səmimi görüşüb söhbət etdi.
Mərasimdə Milli Məclisin sədri Murtuz Ələsgərov, xarici işlər naziri Vilayət Quliyev, parlament sədrinin birinci müavini Arif Rəhimzadə, spikerin müavini Ziyafət Əsgərov, Prezidentin Katibliyinin rəisi Dilarə Seyidzadə, Bakı şəhər icra hakimiyyətinin başçısı Hacıbala Abutalıbov, Prezidentin icra aparatının şöbə müdirləri Əli Həsənov, Novruz Məmmədov, Milli Məclisin deputatları, şəhər ictimaiyyətinin nümayəndələri iştirak edirdilər.
(Mərasim haqqında geniş hesabat qəzetin növbəti nömrəsində dərc olunacaqdır).
Foto Yaşar Xəlilovundur
Bölmənin digər xəbərləri
