MİSİRLİLƏR AVROPAYA CAN ATIRLAR
AZƏRTAC-ın İTAR-TASS-dan aldığı xəbərə görə, hər ay minlərlə misirli sonradan dəniz yolu ilə Avropaya miqrasiya etmək məqsədilə sərhədləri qeyri-qanuni keçərək qonşu dövlətlərə, məsələn, Liviyaya gedir. Eyni zamanda, az qala hər gün mətbuatda vətənə deportasiya olunmuş misirlilərdən ibarət növbəti qrup barədə məlumat dərc olunur.
İsrail sərhədçiləri isə daha qəti tədbirlər görürlər. Onlar qaçqınlara atəş açırlar. Artıq Sudandan, Efiopiyadan, Nigerdən olan qaçqınların həlak olması faktları məlumdur. Bu yaxınlarda Aralıq dənizində baş vermiş faciə böyük hay-küyə səbəb oldu. Belə ki, İtaliya sahillərinə çıxmağa cəhd edən onlarla misirli qaçqın dənizdə batdı. Faciə nəticəsində müxtəlif məlumatlara görə, 13-18 yaşlarında 184-ə yaxın misirlidən yalnız 37-si sağ qalmışdı. Bu cür “avroturlar”ı təşkil edənlər isə çox vaxt cəzasız qalırlar. Yerli mətbuatın yazdığına görə, mütəşəkkil cinayətkar qruplar hər qeyri-qanuni miqrantdan 25 min Misir funtu (4,5 min dollar) alırlar. Dünya Bankının hesablamalarına görə, Misirdə hər üç nəfərdən biri gündə 2 dollar qazanc əldə edə bilir. Azad Avropa arzusunu gerçəkləşdirmək isə misirlilərə çox baha başa gəlir.
Bölmənin digər xəbərləri
