Monteneqro aeroportlarını açır
Podqoritsa, 19 may, AZƏRTAC
Monteneqro Podqoritsa və Tivatedəki aeroportlarını mayın 20-də açacaq.
AZƏRTAC xəbər verir ki, ilkin mərhələdə aeroportlar yalnız şəxsi və biznes məqsədli uçuşlar üçün istifadə olunacaq. Daha sonrakı mərhələdə isə sərnişindaşıma üçün nəzərdə tutulan gündəlik aviareyslər yerinə yetiriləcək.
Hər iki hava limanının açılması dövlətin tədricən və məsuliyyətli şəkildə xarici vətəndaşları qəbul etmək niyyətini göstərir. İki həftə ərzində Monteneqroda koronavirusa yoluxma halı qeydə alınmayıb, ümumilikdə isə ölkədə virusa 324 nəfər yoluxub.
Monteneqronun qonşusu olan Serbiyada isə Belqrad aeroportu artıq fəaliyyət göstərir. Mayın 18-də aeroportdan uzun fasilədən sonra ilk dəfə “Wizzair” şirkətinin təyyarəsi ilə Belqrad-London reysi həyata keçirilib. Mayın 21-dən isə Belqraddan “Air Serbia” şirkətinin təyyarələri ilə London, Frankfurt, Sürix və Vyanaya reyslər həyata keçiriləcək.
Aygün Əliyeva
AZƏRTAC-ın xüsusi müxbiri
Podqoritsa
Bölmənin digər xəbərləri
