Bakı, 29 iyul, AZƏRTAC

"Moody's İnvestors Service" beynəlxalq reytinq agentliyi "Xalq Bank"ın uzunmüddətli öhdəliklər reytinqini B2 proqnoz neqativ səviyyəsində saxlayıb.

Bankdan AZƏRTAC-a bildiriblər ki, əlavə olaraq "Xalq Bank"ın qarşı tərəf riskinin dəyərləndirilməsi eyni səviyyədə təsdiqlənərək dəyişməz qalıb - B1(cr) / Not Prime(cr).

Perspektivləri dəyərləndirən Moody's təhlilçiləri bəyan ediblər ki, bankın reytinqinin təsdiqlənməsi onun bazardakı güclü mövqeyi, sabit depozit bazası, gəlirliliyi, aktivlərin keyfiyyəti və yüksək kapitallaşma səviyyəsi kimi amillərə əsaslanır.