ELM VƏ TƏHSİL
Moskva Dövlət Universitetinin Bakı filialında “Açıq qapı” günü keçiriləcək
Bakı, 14 oktyabr, AZƏRTAC
M.V.Lomonosov adına Moskva Dövlət Universitetinin (MDU) Bakı filialı oktyabrın 21-də abituriyentləri 2018-2019-cu tədris ilində bu ali məktəbə daxil olmaq üçün qəbulun şərtləri və qaydaları ilə tanışlıq məqsədilə “Açıq qapı” gününə dəvət edir.
MDU-nun Bakı filialından AZƏRTAC-a bildiriblər ki, tədbir iştirakçıları bu ali təhsil müəssisəsinin filologiya, tətbiqi riyaziyyat, kimya, psixologiya, iqtisadiyyat və fizika fakültələrində bakalavr və magistr hazırlığı ilə bağlı hərtərəfli məlumat əldə edə biləcəklər.
“Açıq qapı“ günü saat 14.00-da Bakı şəhəri, H.Cavid prospekti, 133 (Metronun “Elmlər Akademiyası” stansiyasının yanında) ünvanında keçiriləcək. Əlaqə telefonu: (012) 598-93-32.