MOSKVADA DONDURMA SARAYI TİKİLƏCƏKDİR
AZƏRTAC Rusiya KİV-lərinə istinadla xəbər verir ki, Moskvada Sokolniki parkının yaxınlığında Dondurma sarayı tikmək qərara alınmışdır. Bu müəssisə, ilk növbədə, dondurmanın dequstasiyası üçün nəzərdə tutulur, lakin bundan başqa, uşaqlar kinozalda cizgi filmlərinə baxa, onların valideynləri isə bu vaxt elə burada işləyən kafedə ünsiyyət qura biləcəklər.
Sarayda dondurma muzey-salonu, mini-kinosalon və uşaqlar üçün oyun meydançası yerləşəcəkdir. Bundan əlavə, otaqlar sərgilərin keçirilməsinə və yeni avadanlığın təqdimatı mərasimlərinə uyğunlaşdırılacaqdır. Güman edilir ki, sarayın tikintisi üç il çəkəcəkdir.
Bölmənin digər xəbərləri
