Mostar şəhəri ətrafında meşə yanğını başlayıb
Sarayevo, 13 iyul, AZƏRTAC
Bosniya və Herseqovinanın cənubundakı Mostar şəhəri ətrafında meşə yanğını baş verib.
AZƏRTAC xəbər verir ki, Fortiça təpəsinə doğru yayılan alovun söndürülməsinə mülki müdafiə qüvvələri və helikopter cəlb olunub. Yanğının ətrafdakı yaşayış binaları üçün təhlükə yaratmadığı bildirilib.
Yanğın xətti uzun və əlçatmaz ərazidədir, güclü külək müdaxiləni daha da çətinləşdirir.
Bosniya və Herseqovinanın Serbska Respublikasının Trebinye bölgəsində isə meşə yanğınları bir neçə gündür davam edir. Mülki müdafiə qüvvələri, helikopter, könüllü yanğınsöndürmə cəmiyyətlərinin üzvləri və yerli sakinlər prosesdə iştirak edirlər.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
