MÖVSÜMÜN SON TAMAŞASI
Azərbaycan Dövlət Akademik Opera və Balet Teatrından AZƏRTAC-a bildirmişlər ki, mövsümün son tamaşası Əfrasiyab Bədəlbəylinin “Qız qalası” baleti olacaqdır. 1999-cu ildən səhnə həyatı yaşayan bu tamaşada əsas rolları Opera və Balet Teatrının, Azərbaycan Dövlət rəqs ansamblının solistləri xalq artisti Mədinə Əliyeva, əməkdar artist Gülağası Mirzəyev, Yuri Lobaçov ifa edirlər.
Mövsümün son tamaşasını əməkdar incəsənət xadimi, dirijor Cavanşir Cəfərov idarə edəcəkdir. Quruluşçu baletmeyster SSRİ xalq artisti, Dövlət mükafatları laureatı Qəmər Almaszadə, yeni redaksiyada quruluşun rəhbəri, əməkdar incəsənət xadimi Yulana Əlikişizadədir.
Bölmənin digər xəbərləri
