MSTİSLAV ROSTROPOVİÇ BAKIDADIR
AZƏRTAC xəbər verir ki, görkəmli musiqiçi və dirijor Mstislav Rostropoviç doğma Bakıya hər il sentyabrın 18-də, böyük bəstəkarımız Üzeyir Hacıbəyovun doğum günü qeyd olunan Musiqi gününü bizimlə birlikdə bayram etməyə gəlmişdir. Sentyabrın 17-də Azərbaycan Dövlət Filarmoniyasında Üzeyir Hacıbəyov adına Dövlət simfonik orkestri ilə birlikdə məşq olmuşdur. Dirijor pultu arxasında Mstislav Rostropoviç dayanmışdı.
Musiqi günü filarmoniyada simfonik orkestr maestro Rostropoviçin idarəsi ilə konsert verəcəkdir. Konsertdə dünya klassiklərinin və əlbəttə ki, məşhur Azərbaycan bəstəkarları Üzeyir Hacıbəyovun, Qara Qarayevin və digərlərinin əsərləri ifa ediləcəkdir.
Bölmənin digər xəbərləri
