ELM VƏ TƏHSİL
Mühüm beynəlxalq tədbirlərə ev sahibliyi etməsi ölkənizin qazandığı nüfuz və etibarın nəticəsidir
Bakı, 28 avqust, AZƏRTAC
Son zamanlar Azərbaycan mühüm beynəlxalq tədbirlərə ev sahibliyi edir. Bu ölkənizin beynəlxalq aləmdə qazandığı nüfuz və etibarın nəticəsidir.
Bu sözləri Bakıda keçirilən “Sənaye tətbiqli idarəetmə və optimallaşdırma” mövzusunda beynəlxalq konfransın iştirakçısı, ABŞ-ın Stenford Universitetinin nümayəndəsi Stiven Boyd AZƏRTAC-a müsahibəsində söyləyib.
O deyib: “Belə tədbirlərdən biri də Azərbaycanda keçirilən “Bakı-2015” ilk Avropa Oyunlarıdır. Bu idman bayramında iştirak edə bilməsəm də yarışları yaxından izlədim. Tədbirin xüsusən açılış və bağlanış mərasimləri çox möhtəşəm idi. İnanıram ki, “Bakı-2015” ilk Avropa Oyunları dünya idman tarixində gözəl ənənəyə çevriləcək”.