MÜKAFATA LAYİQ GÖRÜLMÜŞLƏR
Azərbaycan Dövlət Akademik Opera və Balet Teatrından AZƏRTAC-a verilən məlumata görə, teatrın rəhbərliyi istedadlı gənc vokalçılara və balet artistlərinə böyük etimad göstərərək, bir cox tamaşalarda aparıcı partiyaları onlara etibar edir. Bu inam və etibarın sayəsində hər il bir neçə gənc böyük səhnəyə vəsiqə alır. Belə istedadlı gənclərdən balet truppasının aparıcı solisti Kamilla Hüseynova və vokalçı Fidan Hacıyeva Respublika Gənclər günü münasibətilə Mədəniyyət İşçiləri Müstəqil Həmkarlar İttifaqı Respublika Komitəsinin xüsusi diplomuna layiq görülmüşlər. Bu mükafat sənətçilərə 2004-cü ilin uğurlu nəticələrinə görə verilmişdir.
Bölmənin digər xəbərləri
