NARKOTİK MADDƏLƏR GÖTÜRÜLMÜŞDÜR

19.04.2006 [22:48]
Çap et
A⁺ A^-

Daxili İşlər Nazirliyinin mətbuat xidmətindən AZƏRTAC-a verilən məlumata görə, Narkotiklərlə Mübarizə Baş İdarəsinin cənub bölgəsində regional şöbəsi əməkdaşlarının keçirdiyi əməliyyat nəticəsində, Lənkəran şəhər sakini, əvvəllər məhkum olunmuş Oqtay Rəhimov 1,951 qram tiryəki satarkən tutulmuşdur.

Nizami Rayon Polis İdarəsi 25-ci bölməsinin əməkdaşları Bakı şəhər sakini Yaşar Ağayevdən 32,68 qram marixuana, Qaradağ Rayon Polis İdarəsi 10-cu bölməsinin işçiləri Ramin Əliyevdən 0,237 qram heroin, Sumqayıt Şəhər Polis İdarəsinin əməkdaşları şəhər sakini Nazim Babayevdən 0,226 qram heroin və 0,73 qram tiryək götürmüşlər.

Lənkəran Rayon Polis Şöbəsinin əməkdaşları isə Azad Xanverdiyevi 0,024 qram heroini həmyerlisi Nicat Məmmədova satarkən tutmuşlar. A.Xanverdiyevdən, əlavə olaraq, 0,06 qram heroin və 0,19 qram marixuana götürülmüşdür.

Faktlarla bağlı cinayət işi açılmışdır.

NARKOTİK MADDƏLƏR GÖTÜRÜLMÜŞDÜR

MÜƏLLİFLƏ ƏLAQƏ

Bölmənin digər xəbərləri