NATO-nun Baş katibi Kiyevə səfər edib
Bakı, 20 aprel, AZƏRTAC
NATO-nun Baş katibi Yens Stoltenberq Kiyevə gəlib. Bu barədə aprelin 20-də Ukraynanın “Strana” nəşri məlumat yayıb. Nəşrin Telegram kanalında NATO Baş katibinin Ukrayna hərbçiləri tərəfindən əhatəyə alındığını əks etdirən fotoşəkil dərc edilib.
AZƏRTAC xəbər verir ki, Alyansın mətbuat xidməti məlumatı təsdiqləyib. "NATO-nun Baş katibi Ukraynadadır. Biz ən qısa zamanda əlavə məlumat yayacağıq", - deyə mətbuat xidmətindən bildiriblər.
NATO rəsmilərinin fəal hərbi əməliyyatların getdiyi ölkələrə səfər etməsi adi hal hesab olunur. Lakin bununla bağlı məlumat adətən səfər başa çatdıqdan sonra, yaxud səfərin sonuna yaxın elan edilir. Nəşr xatırladır ki, Əfqanıstanda 20 illik müharibə zamanı da belə olub.
Bölmənin digər xəbərləri
