Naxçıvan şəhərində evdə yanğın olub
Naxçıvan, 30 aprel, AZƏRTAC
Naxçıvan şəhərində fərdi yaşayış evində baş verən yanğın söndürülüb.
AZƏRTAC-ın Naxçıvan bürosu xəbər verir ki, Naxçıvan Muxtar Respublikasının Fövqəladə Hallar Nazirliyinin (FHN) “112” qaynar telefon xəttinə Naxçıvan şəhəri, Şəhriyar küçəsində fərdi yaşayış evində yanğın olması barədə məlumat daxil olub. Məlumatla əlaqədar Naxçıvan şəhər Dövlət Yanğından Mühafizə Hissəsinin yanğından mühafizə bölmələri çağırış üzrə hadisə yerinə cəlb ediliblər.
Yanğından mühafizə bölmələri tərəfindən həyata keçirilən təcili və təxirəsalınmaz tədbirlər nəticəsində yanğının genişlənməsinə imkan verilmədən söndürülüb.
Bölmənin digər xəbərləri
