NAZİRLİK RƏQƏMLİ TELEYAYIMA KEÇMƏYİ PLANLAŞDIRIR
Nazirliyin mətbuat xidmətindən AZƏRTAC-ın müxbirinə bildirmişlər ki, hazırda dünyanın bir sıra ölkələri rəqəmli sistemə keçid mərhələsindədir. Rəqəmli sistemdə bir ötürücü vasitəsilə 4-5 televiziya kanalı yayımlana bilir və evlərin damında antenalar quraşdırmağa ehtiyac qalmır. Çünki adi ev antenaları vasitəsilə keyfiyyətli görüntü almaq mümkündür. Ən başlıcası, insan orqanizmi üçün zərərli olan elektromaqnit şüalanması rəqəmli yayım zamanı zəifləyərək, minimuma enir.
Bakıda istehsal olunan ucuz blok-sistemini əldə etməklə tamaşaçılar proqramlara müxtəlif dillərdə baxa biləcək, istənilən məlumatı almaq imkanı qazanacaqlar.
Rəqəmli televiziyanın əvvəlcə Bakı şəhəri, sonra respublikanın bütün bölgələrində tətbiq ediləcəyi gözlənilir.
